ज्ञानेन्द्र नातिलाई राजा बनाउन भारतमा : अर्थमन्त्री

काठमाडौं, फागुन १८ - एकीकृत नेकपा माओवादीका नेता एवं अर्थमन्त्री बाबुराम भट्टराईले पूर्व राजा ज्ञानेन्द्र शाह आफ्नो नातिलाई राजा बनाउने योजना मुताविक वातावरण बनाउन भारत भ्रमणमा गएको दाबी गरेका छन्। माओवादीद्वारा सिन्धुपाल्चोकको सदरमुकाम चौतारामा आइतबार आयोजित कार्यक्रममा उनले बिहेमा सहभागी हुने निहुँ बनाएर आफ्नो गुमेको सत्ता फर्काउने सपना बोकेर पूर्व राजा भारतीय प्रधानमन्त्री र नेतालाई भेटन गएको बताए।
सिन्धुपाल्चोकबाट माओवादी कार्यकर्ताले दैनिकीलाई दिएको जानकारीअनुसार भट्टराईले राजकीय सत्ता गुमे पनि बेबी किङको अवधारणा लिएर ज्ञानेन्द्रले नातिलाई राजा बनाउन खोजेको दाबीसमेत गरे।
पूर्वराजा ज्ञानेन्द्र र पत्नी कोमल गत फागुन १४ गते भारत गएका हुन्। स्व। राजा त्रिभुवनको नातिको विवाहमा सहभागी हुन उनीहरु त्यता गएको जानकारी ज्ञानेन्द्र निकट स्रोतले दिएका थिए।विवाह भारतको मध्यप्रदेश राज्यमा भएको थियो। त्रिभुवनकी छोरी भारतीको विवाह उडिसा राज्यमा भएको थियो। भारतीको छोराको विवाह गत बिहीबार मध्यप्रदेशमा भयो। उनी दिल्ली हुँदै मध्यप्रदेशको राजधानी भोपाल पुग्ने कार्यक्रम छ। बिहे सकिए पनि उनी फर्किएकेका छैनन्।प्रमुख विपक्षी नेपाली कांग्रेसका सभापति गिरिजाप्रसाद कोइराला र नेकपा एमालेका नेता माधवकुमार नेपालको तीव्र आलोचना गरेका थिए। उनले कोइरालालाई लक्षित गर्दै ८६ वर्षको पितामहमा सत्तामोह अझै नटुटेको दाबी गरे। नेपालले माओवादीलाई असफल बनाउन षडयन्त्र गरिरहेको दाबीसमेत उनको थियो। एमाले नेता नेपालको नामै लिएर भट्टराईले राजालाई भेटी चढाउनेहरुका कारण गणतन्त्र नआएको दाबी गरे।