जनमुक्ति सेनामा भर्ना शुरु

विषय ः जनमुक्ति सेनाको

सामन्तवादको अन्त्य र नेपाली जनताको जनवादी सत्ताको स्थापनार्थ २०५२ साल फागुन १ गतेबाट दीर्घकालिन जनयुद्धमा होमिएका जनमुक्ति सेना झण्डै १२ वर्ष लामो कठिन तथा गौरवमय लडाई पश्चात महान नेपाली जनताको चाहनाको ख्याल गर्दै २०६३ जेष्ठ १२ गतेको सेना तथा हतियारको व्यवस्थापन सम्झौताका आधारमा सात वटा अस्थायी शिविर र २१ वटा उपशिविरमा सिमित रहेका छौं । सोही सम्झौताका आधारमा नेपाली सेना समेत ब्यारेकमा सीमित छ । जनमुक्ति सेनाको महान त्याग र बलिदान तथा संघर्षशील नेपाली जनताको त्याग र बलिदानबाट मात्र आजको गणतान्त्रिक नयाँ नेपाल संभव भएको हो । जनमुक्ति सेनाको उदयबिना यो गणतन्त्र वर्तमान अवस्थामा यसरुपमा सम्भव थिएन । यो नेपाली जनताका सर्वोत्तम छोराछोरीहरुको बलिदानको अपमान किहंकतैबाट भएको हाम्रा लागि मान्य र सह्य हुने छैन । यस परिप्रेक्ष्यमा २०६५ फागुन १७ गतेको सरकार साचालनका लागि गठित ५ दलीय उच्चस्तरीय संरचनाको कथित निर्णय भनी उल्लिखित सम्झौताको उलंघन गर्दै नेपाली सेनाले शान्ति सम्झौता समेत विपरित ३००० भन्दा बढि संख्यामा सेनाको थप र नयाँ भर्ना गरेको कार्यलाई समर्थन गरेकोबाट सिद्धान्ततः जनमुक्ति सेनालाई समेत विभिन्न कारणबस ग्लःक्ष्ल् मा पहिलो दर्तामा सूचीकृत ३१३१५ संख्यामा न्यून हुन गएका हाम्रो जनमुक्ति सेनाको संख्या थप गर्न बाटो खुलेकोले प्रेस विज्ञप्ति मार्फत १८ वर्ष उमेर पुगेका स्वस्थ इच्छुक र सक्षम तथा जुझारु तथा बलिदानी भावनाले लेस नेपाली युवा वर्गमा जनमुक्ति सेना भर्नाका लागि हार्दिक अपील गर्दछ । विस्तृत जानकारीका लागि जनमुक्ति सेनाको सातवटै हेडक्वार्टरहरुमा सम्पर्क राख्न अनुरोध गरिन्छ ।
भर्ना प्रकि्रया २०६५ साल फागुन २० गतेबाट शुरु गरिएको छ ।
मिति ः १९ फागुन २०६५

नन्दकिशोर पुन ुपासाङु

प्रमुख

जनमुक्ति सेना नेपाल